سياسة التوصيل والاسترجاع

في ركن عايزين تجربة الشراء تكون مريحة من أول طلب لحد ما القطعة تستقر في بيتك. لو وصلك منتج غلط أو فيه عيب، أو حتى غيّرت رأيك، الاسترجاع مجاني بالشروط اللي تحت.

الأثاث (الكنب والكراسي والسراير والترابيزات) بيتصنّع لطلبك، عشان كده ليه سياسة خاصة:

خلال ٧٢ ساعة من تأكيد الطلب: عندك مرونة كاملة تلغي الطلب أو تعدّل الموديل أو اللون أو المقاس، ولو لغيت بتسترد فلوسك ١٠٠٪.

من بعد ٧٢ ساعة لحد ٧ أيام من الطلب: تقدر تلغي وتسترد ٥٠٪ من المبلغ المدفوع.

بعد ٧ أيام من الطلب: مايبقاش ممكن تعديل الطلب أو إلغاؤه، لأن التصنيع بيكون بدأ.

قطع الأثاث بتتستبدل في حالة واحدة بس: وجود عيب صناعة. ساعتها بنستبدلها بقطعة سليمة ومصاريف النقل كلها علينا.

افحص القطعة وقت الاستلام، ولو فيها تلف ظاهر من النقل اكتبه مع المندوب أو ابعتلنا صور خلال ٤٨ ساعة.

تقدر ترجّعها مجاناً خلال ٣٠ يوم من الاستلام، بشرط:

تكون في تغليفها الأصلي ومقفولة من غير ما تتفتح (*)، ومن غير أي أثر استخدام (*)، ومعاها الفاتورة الأصلية المختومة وكل الملحقات والهدايا وكروت الضمان اللي جت مع الطلب.

(*) الشرطين دول مابيطبّقوش لو المنتج فيه عيب.

التلف الناتج عن سوء الاستخدام، أو علامات الاستهلاك.

المنتج اللي اتستخدم أو اتعدّل عمداً أو اتركّب.

طلبات تغيير اللون أو المقاس بعد الاستلام: مفيش عندنا خدمة استبدال حالياً، فبترجّع المنتج (لو مطابق للشروط) وتطلب اللي يعجبك من جديد.

لو محتاج تستلم الأثاث في وقت لاحق، تقدر تأجّل التوصيل لحد ٣ شهور من تاريخ الطلب، بشرط دفع قيمة الطلب كاملة ١٠٠٪.

التوصيل مجاني ومدته المعتادة خلال 5 أيام. كل الطلبات حسب توفّر المنتجات؛ لو قطعة مش متاحة بنوصّلك الموجود الأول، والباقي أول ما يتوفّر.

ميعاد التوصيل ممكن يختلف حسب المكان وعدد القطع، وممكن الطلب يوصل على أكتر من شحنة. هنكلّمك قبل كل توصيل نتفق على الميعاد.

تواصل معانا من بيانات التواصل في آخر الصفحة وابعت رقم الطلب (بيبدأ بـ RK) والسبب، ومعاهم صور لو فيه عيب.

بنرد خلال يومين عمل، والمبالغ المستردة بترجع خلال ١٤ يوم: على نفس الكارت أو المحفظة لو الدفع أونلاين، أو على محفظة إلكترونية أو تحويل بنكي باسمك لو الدفع كاش.